Obradoiro de separadores para os libros

 No mes de outubro, na biblioteca participamos nun obradoiro de separadores para os libros. A finalidade destes separadores é poder recordar onde collimos un libro e poder devolvelo ao seu sitio e así teremos a biblioteca ordenada.

 Como estamos inmersos no proxecto do mar, pintamos debuxos de animais mariños e sin repetir ningún, todos diferentes, para así cando utilicemos estes separadores cada quen saiba cal é o seu.

 Tamén o anunciamos no noso recanto da polbo Daría da entrada, para que puidese participar todo o que quixese. 

A participación foi boísima e quedaron uns marcadores chulísimos. 

Un día na hora de ler algúns compañeiros foron polas aulas a explicar para que os fixemos e como se poden utilizar. 

Grazas por colaborar!!

Contacontos polo Samaín

 Este ano polo Samaín, como xa ven sendo tradicional, leváronse a cabo contacontos por parte dos mestres e tamén participaron tres alumnas e unha nai.

Entre a biblioteca e a sala sensorial repartíronse un mundo de historias terroríficas coas que desfrutamos.

Obradoiro nos recreos

 No mes de outubro xa comezou a funcionar a biblioteca nos recreos, e a mediados, unha vez anotados todos os alumnos e alumnnas interesados en ser axudantes de biblio, tamén eles comezaron as súa colaboración. 

Neste mes, e relacionado coa temática do proxecto de centro, que xira en torno ao MAR, levamos a cabo nos recareos un obradoiro para facer marcadores ou separadores xigantes para os libros para aqueles momentos de lectura dos máis pequenos, que logo non sempre recordan onde colleron o seu libro.

 Así con estes separadores, poderán deixar o libro onde o colleron. Os separadores fixéronse con debuxos de diferentes animais mariños e logo se plastificaron.

Quedaron chulísimos!! Agora só falta que algúns dos voluntarios que colaboraron, visiten as aulas de Infantil e 1º ciclo de primaria para explicarlles como utilizalos.

 Grazas rapaces e rapazas por participar!!!

Empezamos novo curso e tamén novo proxecto!

 Neste novo curso, a polbo Daría xa nos estaba a agardar na pranta de arriba, invitándonos a visitala na biblioteca.

Semanas despois, apareceu na pranta baixa da escola cunha botella que dentro tiña unha mensaxe.

Cada grupo foi co seu titor a descubrir de que se trataba.. era o inicio dun novo proxecto na escola que xira en torno ao mar. A súa mensaxe da botella deixounos un pouco descolocados, pois tratábase dunha imaxe en papel dun "mar de plásticos".  

Que vos suxire a imaxe? É bastante impactante, verdade? Continuaremos a falar disto e participaredes en moitas propostas. 

Estade atentos e atentas!!

Un agasallo para os axudantes de Biblioteca e para os máis lectores.

 Neste curso escolar, quixemos premiar aos axudantes de Biblioteca, pola súa constancia e colaboración, agasallándoos cun xogo de memoria das bandeiras dos países, moi en relación co noxo proxecto de centro.

E para endulzar o xogo, tamén uns ovos de chocolate.

Algúns xa quixeron estrealos!!

Gracias rapaces e rapazas!
Contamos con vós para o próximo curso!!

 Por outra parte, as compañeitas máis lectoras deste curso foron Ainhoa, de 5º de primaria e Leila de 2º de primaria. 

Noraboa rapazas e a seguir así de lectoras!!!

Recomendacións lectoras para o verán

 Rapazada!!
Achéganse as vacacións!!!
E que mellor que unhas recomendacións de lecturas para ler plácidamente sen prisas nin horarios!

Día das Letras Galegas

 Este ano polas Letras Galegas coñecimos á escritora Luisa Villalta.

O Equip de DL montou unha exposición con algúns libros que falaban da escritora.

Con "A nosa estrela" (libro ilustrado), "Melodía de palabras" e "Tinta do mar", descubrimos a súa infancia e xuventude e a súa repercusión xa de adulta; e con "Alma de violino" e "Sempre infinita", a súa obra.

Tamén puidemos desfrutar dos diferentes carteis elaborados por alumnado de outros centros, nos que dunha maneira creativa e amena nos contaban a súa biografía e as distintas etapas da súa traxectoria.

En cada titoría se levaron a cabo propostas didácticas e diferentes traballos en torno á escritora.

Isto permitiu xogar posteriormente e responder a preguntas no panel de robótica mentres se divertían traballando direccións e traxectorias co uso do beebot.

Ademáis, nun recanto da biblioteca contamos cunha selección de libros relacionados con esta data tan importante e con algúns dos escritores e escritoras que máis contrubuiron a ela.