lunes, 9 de marzo de 2020

FELIZ DÍA INTERNACIONAL DA MULLER!

Onte foi o día internacional da muller. Por iso, o gato colorín súmase á loita polos seus dereitos  e apoia a interesante actividade que desde o equipo de actividades complementarias e extraescolares se vai desenvolver: un mural pola igualdade onde plasmaredes pequenas chapas con mensaxes alentadores en prol dos dereitos das mulleres, entre outros aspectos.

                                          O meu máis sincero apoio a todas as mulleres!


FELIZ DÍA DE ROSALÍA DE CASTRO!!!!

O gato colorín quere agradecer a vosa colaboración na actividade ddobre que vos propuxen a todas as aulas do colexio para facer con motivo de dita conmemoración. Quedou moi bonito!!
Aquí tedes o resultado:


viernes, 7 de febrero de 2020

FELIZ DÍA DA PAZ!

O gato colorín agradece moito a vosa participación na actividade que vos propuxen sobre a BUFANDA DA PAZ. Grazas por todos os libros interesantes que puxéchedes, xa que van axudar a outros compañeir@s a coñecelos e a animalos a lelos!

Aquí tedes o resultado:


lunes, 20 de enero de 2020


Comezamos cunha nova tirada de desafíos matemáticos deste segundo trimestre!

O gato colorín agradece a vosa participación na resolución dos 17º desafío matemático. Expóñovos a continuación unha táboa na que podedes ver se a vosa clase acertou ou non:


Se tedes algunha dúbida debedes ir á biblioteca do cole no recreo e consultar a xustificación da corrección aos mestres/as que se encargan de corrixir os desafíos: as profes Ángeles e Fátima, os profes Manuel e Luis, ou  Adriana, a nosa orientadora.

                                                                                         Parabéns e moito ánimo para os próximos!!



Que tal amiguiño/a?  Xa estamos traballando a toda máquina e gustaríame compartir contigo algo.Como sabes, o xoves día 30 de xaneiro é o día Internacional da Paz e da Non Violencia. É por iso polo que como mascota da biblioteca do cole, invítoche a participar na creación da nosa BUFANDA DA PAZ. Esta actividade explicaracha o teu titor ou titora nos próximos días. Pregúntalle en que vai consistir!E non esquezas consultar os libros que podes atopar na biblio sobre Valores!
Agardo a túa colaboración!

Unha aperta do Gato Colorín.

miércoles, 8 de enero de 2020

FELIZ ANO NOVO!

Xa estamos de volta! Parece que hai nada nos fumos e xa regresamos.
Que ben o pasamos nas vacacións...verdade? Agora toca volver ao divertido xogo de aprender.
Xa veredes cantas sorpresas vos agardan desde a biblio neste trimestre...

                                                O gato colorín deséxavos que teñades unha feliz volta ao cole!

Resultado de imagen de Feliz ano novo 2020.

lunes, 16 de diciembre de 2019

ESTAMOS CHEGANDO AO FIN DO PRIMEIRO TRIMESTRE!

Despois deste trimestre intenso de traballo chegamos ao final. Lembrade que este venres entregaranse os diplomas e premios ás aulas gañadoras da competición de desafíos matemáticos deste trimestre. Que nervios!!!!!!

Por outra banda, o gato colorín quere darvos as grazas pola vosa colaboración na actividade de Nadal que vos propuxen desde a biblio. Grazas por todos eses desexos tan bonitos e sinceros! Este é o resultado: