Primeira proposta da polbo Daría- Que libro che gustaría que houbera na nosa biblioteca?

 

Este curso, nada máis empezar na escola, a nosa mascota Daría propuxo a todo o alumnado facer as  suxerencias de libros e contos que lles gustaría que haxa na nosa biblio.
Recopilamos todas nun recanto da entrada do colexio e próximamente se fará unha exposición con todos estos libros, que estamos mercando.

Comezando o curso con novos espazos

Benvidas e benvidos!!!

Comezamos un novo curso!!

Continuamos coas obras no colexio, que non nos permitirán polo momento desfrutar da nosa biblioteca. 

Pero non por iso imos deixar de ler e de desfrutar de moitas lecturas divertidísimas.

O equipo de Biblio habilitou un espazo na planta primeira, cun acolledor recanto de lectura.

Así que vinde a visitarnos canto antes!!!

Festa de despedida dos axudantes de biblioteca

 En xuño rematamos o curso, e fixemos unha pequena festa de despedida como agradecemento aos nenos e nenas que colaboraron como axudantes así como na confección da mascota tridimensional.

Ademáis tamén vos deixamos algunhas recomendacións lectoras para este verán, que poden ser interesantes e divertidas.

Día Mundial do Libro

 O 23 de abril foi unha data importante para o noso equipo: O DÍA DO LIBRO!

Con motivo de celebrar esta data, desde o equipo propúxose a todo o alumnado levar a cabo os "Apadriñamentos Lectores", que consistiu en que cada neno e nena de 4º, 5º e 6º de primaria preparou e leu un libro a un ou dous compañeiros/as de cursos inferiores.

A semana previa á lectura dos contos, que se fixo o luns 24 de abril, cada neno e nena preparou a súa lectura e recreou a portada do libro que leería.

Chegada a data, a idea era ler escollendo un recanto do patio, na zona das árbores e pendurar alí todos os debuxos, pero o tempo non acompañou e se penduraron no teito da entrada e tamén alí se levaron a cabo as lecturas.

Ademáis, ó longo da semana algunhas familias viñeron contar contos ás clases dos seus fillos e fillas.

A nai de Sofía, de 5 anos

A nai de Ángel, de 5 anos

A nai de Sofía e Pilar, de 1º e 6º de primaria

Grazas familias!!! 
Foi xenial recibir a vosa visita!!

Semana da prensa

 A mediados de marzo foi a semana da PRENSA e dende o Equipo de Biblioteca se solicitou a coalboración  de todas as titorías para crear e inventar noticias de todo tipo, deportivas, sociais, de economía, política....

Ademáis nas aulas dispuxeron de xornais para observar e analizar conxuntamente as partes dun xornal así como outras propostas que cada titor planificou.

Todas estas noticias expuxéronse nun enorme mural expositivo que se atopa no vestíbulo de entrada á escola.

Non podemos pechar esta entrada sen destacar algunhas delas que resultan motivadoras e esperanzadoras para acadar un mundo mellor:

Outras de índole deportiva como a que ven a continuación. Quen sabe se calquera dos nosos compañeiros ou compañaeiras será unha futura estrela deportiva.

E outras cheas de fantasía e maxia.

Tamén houbo algunha noticia na que o noso cole converteuse no escenario da mesma.

Bravo rapces e rapazas!!!

Vos presentamos á nosa mascota tridimensional!

 

Despois de varias semanas de traballo constante, e con axuda de moitos nenos e nenas do cole, por fin temos lista á nosa mascota en tridimensional.

Foi un proceso longo e laborioso que sin todos vós non houbera sido posible, grazas rapaces e rapazas!!!

Como sabedes, nestes momentos a biblioteca do centro non se pode utilizar por mor das obras, así que trasladamos á polbo Daría e os seus libros á zona da entrada, no vestíbulo, un recanto lector que podedes visitar no momento dos recreos ou cos vosos mestres noutro horario dentro da xornada.

Novo proxecto á vista!! A nosa mascota tridimensional

 Xa está lista a estructura para comezar a confección da nosa mascota a Polbo Daría en tamaño grande e con volume.

Todos os días traballaremos un pouquiño na súa confección de forma colaborativa, contando coa axuda de todos aqueles que na hora do recreo queiran subir á biblioteca.

Animádevos!!!